Gattusos i besohet projekti i Milanit, rinovon deri në 2021

Duke parë ecurinë e mirë dhe rritjen e nivelit të lojës që ka pasur kohët e fundit ekipi, Rino Gattuso ka rinovuar kontratën me Milanin deri në vitin 2021. Duke përmirësuar edhe të ardhurat financiare që do të përfitojë, ku nga 120 mijë euro që përfitonte si trajneri i U-19 në 2 milionë euro. “Pa Fassone dhe Mirebelli nuk do të isha këtu. I falënderoj shumë për besimin,”–ishin fjalët e para të trajnerit kuqezi.

Edhe pse Milani pati një fytyrë jo të mirë në derbi përballë Interit, nuk e ka ndryshuar aspak mendimin e administratorit Fassone, i cili është bindur para derbit se zgjedhja e bërë në nëntor nga Mirabelli ishte ajo e duhura.

Në pritje të asaj që do të ndodhi me pronësinë e klubit, pasi Li Yonghong duhet ende të paguajë 10 milionë euro, projekti teknik i Milan ka marrë formë. Gattuso ka thënë gjithmonë se dëshira e tij ishte që qëndronte te Milan dhe aktualisht kjo dëshirë u plotësua. Ai pritet të marrë vendimet edhe për merkaton në verën e ardhshme.