Zëvendësuesi i Astorit, Fiorentina monitoron mbrojtësin kuqezi

Tek Fiorentina pas vdekjes së papritur të kapitenit, Davide Astori, po mendojnë për të gjetur zëvendësuesin e tij. Drejtuesit e skuadrës nga Firence janë duke ndjekur disa mbrojtës. Mediat italiane raportojnë se mes kandidaturave dhe një ndër favoritët është edhe mbrojtësi i kombëtares kuqezi, Frederik Veseli.

25-vjeçari luan aktualisht me skuadrën e Empolit në Serinë B dhe këtë sezon është shndërruar në një titullar të padiskutueshëm te skuadra që kryeson ligën e dytë italiane. Veseli po shkëlqen si qendërmbrojtës, edhe pse ka filluar karrierën duke luajtur në krahët e prapavijës. Në një rol të tillë ai aktivizohet edhe me përfaqësuesen shqiptare, ndaj ai shikohet si zëvendësuesi ideal i ish-kapitenit Davide Astori.