Ish-sekretari amerikan i Shtetit Rex Tillerson ka folur pas vendimit të Trump për largimin e tij nga posti që mbante. Ai tha se është në dobi të SHBA-së kalimi i postit në mënyrë transitore dhe të rregullt për pasardhësin e tij dhe më e rëndësishmja thekson ai, është ruajtja e sigurisë kombëtare të SHBA-së.
Tillerson deklaroi se po delegonte të gjitha përgjegjësitë e tij tek Zëvendës Sekretari i Shtetit John Sullivan.
Ish-sekretari amerikan i Shtetit Rex Tillerson i shkarkuar nga detyra, tha se do të kthehet në jetën private, duke i bërë thirrje diplomatëve amerikanë në mbarë botën që të punojnë me përkushtimin mbi betimin që kanë marrë në bazë të Kushtetutës. Ai thotë se “bota ka nevojë për udhëheqës vetëmohues, ndërsa udhëheqja amerikane fillon me diplomacinë”.
Tillerson thotë se ka marrë një telefonatë nga presidenti i Air Force One pak pas mesdie, rreth tre orë pasi zoti Trump njoftoi shkarkimin e tij nëpërmjet në postimi në Tëitter.
“Ajo që është më e rëndësishme është të sigurohet një tranzicion i rregullt dhe i qetë gjatë kësaj kohe që vendi të vazhdojë të përballet me politika të rëndësishme dhe sfida të sigurisë kombëtare”, thotë Tillerson.
Tillerson sapo ishte kthyer nga Afrika mbrëmjen e së hënës pasi kishte ndërprerë vizitën e tij të shkurtër . “Tillerson vuri theksin në përparimin e Koresë së Veriut dhe Sirinë si disa nga arritjet e tij dhe falënderoi kolegët e Departamentit të Shtetit për “privilegjin” e dhënë në shërbimin dhe punën e kryer.”-shkruan ABC NEWS.
“Tani do të kthehem në jetën time private, si një amerikan krenar. Jam krenar për mundësinë që kisha duke i shërbeyer vendit tim”, tha Tillerson duke e lënë dhomën pa iu përgjigjur pyetjeve të mediave. TIRANA TODAY
