Ish-kryeministri italian, Matteo Renzi tha sot se është dhe do të jetë gjithmonë kundër bashkëpunimit me ekstremistët apo “Lëvizjen e 5 Yjeve” të drejtuar nga Beppe Grillo. Renzi i ka bërë thirrje të gjithëve në partinë e tij të cilët mund të kenë mendime ndryshe janë të hapur ta thonë atë në nivelet drejtuese apo në grupet parlamentare, transmeton Tirana Today.
“Në vitet e ardhshme Partia Demokratike do të duhet të qëndrojë kundër ekstremistëve dhe M5S. Nëse dikush nga partia jonë mendon ndryshe, jeni të lutur ta thoni atë në nivelet drejtuese ose në grupet parlamentare,” deklaroi Renzi.
Ndërkohë, sekretari i Partisë Demokratike shtoi: “Zgjedhjet mbarojnë, Partia Demokratike ka humbur, duhet ta kthejmë faqen, kështu që unë lë udhëheqjen e partisë, nuk e kuptoj polemikat e brendshme të këtyre orëve”.
Kujtojmë se një ditë më parë Renzi dha dorëheqjen si kryetar i Partisë Demokratike, duke thënë se do jetë vetëm një senator i thjeshtë(lajmin e plotë lexoje këtu). PËRSHTATI TIRANA TODAY
