Ish-ministri i Bujqësisë, Edmond Panariti ka reaguar menjëherë pas vendimit për kalimin e sistemit të gjurmimit të flotës së peshkimit në duart e palëve të treta.
Panariti teksa shkruan në rrjetin social Facebook, shpreh shqetësimin për gjurmimin e flotës detare, pasi sipas tij, lënia në duart e treta cenon sigurinë kombëtare.
“Kujdes, kujdes, kujdes me peshkimin!!! Nuk është vetëm prodhim por edhe siguri kombëtare!! Kam qenë dhe jam i bindur se peshkimi te ne, ka patur vazhdimisht rritje. Sepse ketë e tregonte “de facto”, prodhimi dhe tregtia e peshkut në terren. Sepse sektori kërceu edhe falë mbështetjes tonë me subvencione të forta të karburantit për peshkarexha” -vijon ai.
Statusi i Panaritit
Kalimi i sistemit te gjurmimit te flotës se peshkimit ne duar te treta, cenon sigurinë kombëtare. Kujdes, kujdes, kujdes me peshkimin!!! Nuk është vetëm prodhim por edhe siguri kombëtare!! Kam qene dhe jam i bindur se peshkimi te ne, ka patur vazhdimisht rritje. Sepse këtë e tregonte “de facto”, prodhimi dhe tregtia e peshkut ne terren. Sepse sektori kërceu edhe fale mbështetjes tone me subvencione te forta te karburantit për peshkarexha.
Por dëmtimi i sistemit Europian te gjurmimit te peshkimit (Blue Box), veçanërisht pas prillit te 2017 deformoi statistikat, raportonte njëzet here me pak nga realiteti dhe çka është me e rende nuk zbulonte vend ndodhjen e anijeve te peshkimit. Kujdes! Duhet te analizojmë me shume përgjegjësi arsyet perpara se te veprojmë për të korrektuar gjendjen.
Kujdes! Shqipëria ka nënshkruar marrëveshjen e masave portuale te kërkuara nga Amerika, për parandalimin e trafiqeve te paligjshme, mungesën e raportimit nga flota dhe pengimin e peshkimit te paligjshëm. Përshëndes qeverinë e cila vendosi te mbuloje me fondet e saj funksionimin e sistemit por ajo nuk duhet te heqë dore ne asnjë mënyrë nga mbikëqyrja dhe administrimi i sistemit…. Përpos te tjerave, kjo do te ishte cenim i sigurisë! Tani qe paratë u siguruan, thjesht te vazhdohet me përgjegjësi shtetërore ne rrugën e sistemit te instaluar nga Bashkimi Evropian per këtë qellim.
