Gjenden kutitë e zeza të avionit të rrëzuar muajin e kaluar në malet jugperëndimore të Iranit.
“Kutia e cila ka incizuar parametrat e fluturimit dhe një tjetër me bisedat që janë zhvilluar në kabinë u janë dërguar autoriteteve gjyqësore”, ka njoftuar drejtori i Marrëdhënieve me Publikun në Organizatën Aviacionit Civil të Iranit, Reza Jafarzadeh.
Mësohet se kutitë e zeza janë gjetur nga një ekip profesional i alpinistëve, ndërsa në aksidentin ajror vdiqën 66 persona.
Fillimisht, avioni i nisur nga Teherani në qytetin jugperëndimor, Yasuj u zhduk nga radarët, ndërsa më pas rezultoi se ishte përplasur në malet iraniane, ku dyshohet se shkak i aksidentit ka qenë moti i keq.
