Bomberi i Interit, Mauro Icardi, padyshim ka qenë një emër mjaft i lakmuar në merkaton e janarit dhe kërkesat kanë qenë të shumta për të. Por edhe pse merkato ka përfunduar, presidenti i Napolit Aurelio De Laurentis, nuk e fsheh objektivin e tij, që projekton pikërisht bomberin 24-vjeçar tek napolitanët. Në ndeshjen me Crotonen u raportua se Icardi kishte pësuar një dëmtim dhe nuk do të luaj, por shumë thashetheme qarkullojnë me mungesën e kapitenit.
“Icardi do të shënonte 40 gola me Sarrin dhe mund të bëhej si Cristiano Ronaldo. Unë kam negociuar nënshkrimin e tij me gruan-menaxhere, një femër tërheqëse dhe e këndshme. Kam ofruar 55 milionë euro për të. Ai është një kampion. Nëse do të vijë në Napoli? Pse jo? Asnjëherë mos thuaj kurrë…”, deklaroi De Laurentis.
Interi ka në plan që ti ofrojë një tjetër kontratë Icardit, edhe pse aktualja i skadon në vitin 2021. Klauzola e tij parashikohet të jetë mbi 200 milionë euro, kjo bëhet për të larguar presionin e klubeve të mëdha që treguan interes për suluesin argjentinas. Real Madrid u përfol më shumë se e kërkonte bomberin, por zikaltërit nuk kanë në plan ta lejojnë të largohet atë nga ekipi pasi i gjithë projekti i tyre është bazuar në të.
