Arsenal vërtetoi se ndryshimet e bëra në janar kanë qenë goditje mjaft të mëdha, pasi ka mposhtu Evertonin me rezultat 5-1. Padyshim protagonist i ndeshjes ishte Aron Ramsey, i cili shënoi tre gola në kë sfidë, ndërsa Mkhitaryan dhuroi një performancë të shkëlqyer duke asistuar. Debutimi i yllit nga Gaboni ishte perfekt, ai shënon një gol mjaft të bukur që në ndeshjen e parë dhe luan për 90 minuta.
Skuadra e drejtuar nga Arsene Wenger i është kthyer fitoreve në kampionatin anglez dhe i është afruar në vetëm pesë pikë pozitën së katër që dërgon në Ligën e Kampionëve. Topçinjtë dominuan gjithë takimin ndaj Evertonit dhe këtë e tregon epërsia e hershme në minutën e gjashtë, ku Aaron Ramsey shënoi për 1-0 pas asistimit të Henrikh Mkhitaryan.
Goli i dytë i skuadrës nga “Topçinjtw” erdhi në minutën e 14-të të takimit kur kapiteni Laurent Kosicielny, shënoi me kokë pas asistimit të Shkodran Mustafit. Arsenali trefishoi epërsinë në minutën e 19-të me golin e Ramseyt, i cili shënoi golin e dytë personal pas asistimit të Alex Iwobit.
Forma dhe dominimi i Arsenalit në pjesën e parë u vulos me golin në debutimi të sulmuesit Pierre-Emerick Aubayemang, i cili e paraboloi portierin për 4-0 dhe me këtë rezultat skuadrat shkuan në pushimin mes dy pjesëve.
Në pjesën e dytë, skuadra e Wenger arriti të menaxhoj mirë lojën dhe rezultat, ndërsa dy skuadrat arritën të shënojnë nga një gol. Fillimisht ishin Evertoni që shënuan për 4-1 me anë të sulmuesit Dominic Calvert-Lewin (64′), ndërsa në minutën e 74-të Ramsey kompletoi het-trikun dhe vulosi fitoren e thellë të Arsenalit me rezultat 5-1.
Pas kësaj fitore, Arsenali renditet në vendin e gjashtë me 45 pikë, ndërsa Evertoni mban vendin e 10-të me 31 pikë. Në ndeshjen e radhës, Topçinjtë luajnë në udhëtim me Tottenham Hotspur, teksa Evertoni pret në shtëpi Crystal Palacen.
