Mediat amerikane kanë hedhur bombën sa i përket të ardhmes së yllit të basketbollit, LeBron James. Raportohet se ai është në bisedime me te skuadra e Golden State Warriors, pasi thuhet se ai po kërkon që të ndërrojë ambient pas përfundimit të këtij sezoni të ligës më të fortë të basketbollit në botë, NBA.
Basketbollisti i Cleveland Cavaliers më në fund iu përgjigj pyetjes nëse do të konsideronte një kalim të mundshëm te kalorësit. “Bisedat rreth Warriors nuk janë një histori, pjesa tjetër e bisedave nuk është histori”, u përgjigj lojtari. LeBron vazhdoi të fliste para gazetarëve duke thënë se “jam i fokusuar vetëm në këtë ekip dhe po përpiqem të gjej zgjidhje për të hyrë në “Final-Four” e këtij viti të NBA-s dhe të garojmë për titullin”.
“Nëse dikush dëshiron të më pyesë për këtë ekip, mund të përgjigjem mirë apo keq. Por, ju lutem, për në pjesën e mbetur të sezonit, mos më pyesni mua për ndonjë ekip tjetër”, tha LeBron. Theksojmë se ky i fundit ka fituar tre herë titullin e kampionit me Cavs ndërsa është shpallur katër herë MVP i kampionatit të NBA-s.
