Lamtumirë në qershor? Ozil ngroh zemrat e tifozëve të Arsenalit

‘Topçinjtë’ janë  të bindur se Mesut Ozil është në prag të nënshkrimit të marrëveshjes së re, pas postimit të fundit që tregoi për renovimet e shtëpisë së tij. Marrëveshja e tanishme e gjermanit skadon në verë dhe ai mund të largohet si lojtar i lirë në qershor, pasi që nuk pranoi kushtet me ‘Topçinjtë’ për një zgjatje e kontratës.

Ozil ndau një imazh të përmirësimit të shtëpisë së tij së bashku me disa ‘hashtaga’ inkurajues për t’i ngazëllyer tifozët e ‘topçinjve’. Megjithatë, Arsene Wenger mbetet i bindur se fituesi i Kupës së Botës 2014 do ta vazhdojë të ardhmen e tij në klub.

Dhe tifozët e dëshpëruar të Arsenalit dëshirojnë që ai të qëndrojë, por tani janë më optimistë, pas postimit më të fundit të Ozil në Twiter. 29-vjeçari duket sikur nuk ka ndërmend të lëvizë diku pas zbulimit të një imazhi të renovimeve në shtëpinë e tij.

Ozil ka pasur logon e tij “M10″ të ngjitur në një mur brenda shtëpisë së tij dhe ka ndarë atë së bashku me një titull duke përfshirë hashtags # “Shtëpiaime” dhe #Londër “- dhe kjo gjë u ka pëlqyer tifozëve ‘topçinj’.