Federata Shqiptare e Peshëngritjes është e pushtuar nga doping dhe disa nga sportistët që kanë triumfuar në kompeticione europiane apo botërore, janë pezulluar më pas për shkak të përdorimit të këtyre substancave.
Skandali i doping nuk është konstatuar vetëm tek sportistët shqiptar, por edhe tek të huajt. Nga kjo gjë është favorizuar vetëm Erkand Qerimaj i cili nuk do të dalë pa medalje nga Botërori i Anheimit pavarësisht se peshëngritësi u rendit në vendin e 4 në shkëputje dhe vendin e 9 në shtytje, ne peshën deri në 77 kg.
Sportisti shqiptar që e mbylli në dygarësh në vendin e gjashtë, ka arritur të fitojë medaljen e bronzit pasi një nga sportistët është kapur me doping. Ekzaktësisht në stilin e shkëputjes, peshëngritësi i vendit të tretë ka rezultuar me doping, dhe si rrjedhojë medalja i takon Erkand Qerimjat.
Kujtojmë se pak ditë më parë për shkak se rezultoi pozitive, peshëngritëses shqiptare Romela Begaj i janë pezulluar medaljet e fituara në këtë Botëror. Sportistja u shpall kampione bote në stilin e shkëputjes ndërsa në dygarësh fitoi të argjendtën.
