Regjisori kosovar Besim Ugzmajli sjell filmin e tij të metrazhit të shkurtër “Forgive me”.
Ky film përfundoi para pak ditësh dhe do të shfaqet në festivalin Manchester Film Festival. Lajmin e bën të ditur vet regjisori Ugzmjali përmes një publikimi në rrjetin social Facebook.
Ky rrëfim do të shfaqet në këtë festival i cili ka rezervuar datat nga 1 deri me 4 mars, ndërsa filmi kosovar do të shfaqet më 3 mars në orën 13:00.
Në film luajnë aktorët Agron Shala, Semira Latifi, Bibi Qena, Kushtrim Asllani, Ekrem Sopi, Sherif Bega, Orik Berani, Adrian Obertinca, Kosovare Hoti.
TEMA: Një djalë i ri, i quajtur Bujar, manipulohet nga një imam kosovar që t’u bashkohet grupeve terroriste që luftojnë në Siri. Ai i bashkohet luftës tinëzisht dhe pastaj i kërkon ndihmë vëllait të tij t’ia dërgojë në Siri edhe gruan. Por vëllai tmerrohet nga veprimet e Bujarit dhe i kërkon të kthehet në Kosovë. Bujari e kërcënon gruan e tij se nëse nuk i bashkohet në Siri do të martohet me një grua që ka mbetur e ve nga lufta.
