Andrea Dovizioso dhe Jorge Lorenzo do të kenë në dispozicion për sezonin e ardhshëm të Moto Gran Prix motorin e ri që u prezantua ditën e sotme nga Ducati, “Desmosedici Gp”. Pretendimet e të dy pilotëve janë rritur për vitin e ardhshëm pasi këtë të fundit e mbyllën mjaft mirë, me Dovizioso nënkampion bote. Piloti roman e pret me optimizëm sezonin e ri, duke ngritur stekën e pretendimeve.
“Bashkë me skuadrën kemi përjetuar një sezon të jashtëzakonshëm edicionin e shkuar. Çdo gjë rezultoi të ishte shumë e bukur, nga mënyra si arritëm rezultatet dhe si arritëm të emociononim tifozët tanë. Për më tepër, suksesi me Ducatin është një kënaqësi më vete. Puna jonë e madhe u shpërblye. Tashmë është normale të synojmë diçka më shumë, ndaj objektivi këtë herë është pikërisht fitimi i titullit kampion.”
Nga ana tjetër, spanjolli Jorge Lorenzo deklaron se ai i shkuari nuk ishte ndër sezonet më të lehtë, por pozitiv është fakti se është rritur në aspektin profesional, duke qenë gati për të sfiduar veten dhe të tjerët gjatë 2018-ës.