Legjenda Michael Schumacher, që prej viti 2014 është duke qëndruar në koma, pas atij aksidenti që pësoi në alpet e Zvicrës. Deri tani ka patur disa thashetheme, por ende asnjë komunikatë zyrtare nga miqtë apo familjarët e Schumacher.
Ka qenë Umberto Zapeloni, një bloger dhe njohës i mirë i Formula 1, por edhe një fans i Shumakerit që ka bërë një kërkesë në emër të gjithë fansave të tij, për të raportuar mbi gjendjen shëndetësore.
“Ajo që kërkoj 4 vjet pas aksidentit është një buletin mjekësor që ti tregojë miliona tifozëve si është gjendja e Michael Schumacher, si është jeta e tij e përditshme, sa shpresë ka për rikuperim”
“Unë e kuptoj privatësinë në këtë rast, pasi siç e dimë vetë Shumi ka qenë shumë vetëmbrojtës për familjen, shumë i rreptë të privatësinë e tij. Por ky është një tjetër diskutim. Jam i bindur që tifozët meritojnë të dinë të vërtetën për gjendjen e tij shëndetësore”.
“Ata, kur ai fitonte, por edhe kur humbte kanë qenë familja e tij e madhe. Nuk kërkoj foto, por vetëm një buletin mjekësor që të tregojë si është njeriu që më 3 janar mbush 49 vjeç dhe që nga 2014 nuk mund të festojë ditëlindjen e tij. Kërkoj një motiv për të thënë një lutje më shumë”, ka thënë ai.
