Sulmuesi kryesorë i Skënderbeut ka zhvilluar një ndeshje të madhe një ditë më parë përballë Teutës, duke realizuar dy gola me mjaft peshë. Ai ndihmoi ekipin në përmbysjen ndaj durrsakëve, për ta mbyllur vitin me fitore she në pozitë komode në renditje. Ali Sowe ka shënuar 6 gola dhe është duke bërë paraqitje mjaft të mira në Superiore. Fjalët e Sowe në ditët e fundit kanë qenë se është mjaft i lumtur dhe do të punoj fort për të qenë më i miri në kampionat.
“Jam i lumtur sepse e prisja këtë moment. Doja një 3-golësh, por nuk e arrita dot . Do të punoj intensivisht për t’u përmirësuar. Erdha në Shqipëri për të dhënë më të mirën time dhe me vjen mirë që jam një ndër më të mirët, por kjo nuk do të thotë asgjë, sepse kam ende shumë punë për të bërë. Mua më pëlqen të punoj fort për të dhënë akoma edhe më shumë”, u shpreh sulmuesi i korçarëve.
Kampionati ende nuk përfunduar për Sowe, edhe pse Skënderbeu mban vendin e parë në renditje, klubi korçar ka ende një rrugë të gjatë përpara. “Duket si diçka e thjeshtë, por në fakt çdo ndeshje për ne është shumë e rëndësishme. Fakti që jemi në krye të renditjes vlen shumë për ne”, u shpreh Ali Sowe.
