Real Madrid nuk ka arritur më shumë se një barazim përballë Atletiko Blbaos dhe nuk arrin të përfitojë nga barazimi që mori në shtëpi ditën e sotme Barcelona. Ishte një shans mjaft i mirë për madrilenët për të shkurtuar diferencën me kryesuesit, por portieri Kepa ishte në natën e tij më të mirë dhe ishte i pakalueshëm.
Ndeshja fillon me ritme mjaft të larta ku janë vendasit e Bilbaos që kërkojnë në çdo moment të gjejnë golin e avantazhit. Reali fiton terren gjatë pjesës së parë por nuk arrin të shfaqet si duhet, për të rrezikuar seriozisht portën me dyshen e sulmit Benzema-Ronaldo. Ndërsa në pjesën e dytë do të jetë me të vërtet një histori tjetër, ku sulmi madrilen bën të pamundurën për të gjetur golin, por Kepa nuk ka ndërmend të nxjerrë topin nga rrjeta. Ronaldo provon në të gjitha mënyrat për ta mposhtur, duke goditur nga distanca dhe nga brenda zonës me kokë por është e pamundur.
Ndërsa pak minuta nga fundi Ramos ndëshkohet me kartonin e dytë të verdhë dhe detyrohet të lejë fushën, pas një ndërhyrje të gabuar ndaj Aduriz. Është e pafalshme për kapitenin madrilen që ndëshkohet dy herë brenda një ndeshje për të njëjtin faull.
Ndeshja mbyllet në barazim pa gola dhe Reali mban të njëjtën distancë nga kryesuesit e Barcelonës edhe pse kishte një shans mjaft të mirë që në dy javë të shkurtonte me katër pikë diferencën.
