Valteri Bottas ka surprizuar shokun e skuadrës te Mercedes, Lewis Hamiltonin, teksa ka arritur t’i rrëmbejë pole-position-in e fundit sezonal. Piloti australian ka regjistruar kohën më të shpejtë në provat zyrtare të Çmimit të Madh të Abu Dhabit, ndërsa kampioni i botës do të niset i dyti.
Vetëm vendi i 3-të për pilotin gjerman të Ferrarit, Sebastian Vettel, ndërsa piloti tjetër i kokëkuqes. Në vijën e dytë, në krah të Vettel, do të jetë australiani i Red Bull, Daniel Ricciardo, që u rendit i katërti dhe kaloi në fund Kimi Raikkonen me makinën tjetër Ferrari (i pesti). Vetëm i gjashti u klasifikua Max Verstappen me Red Bull, ndërsa në “top-10” më të mirët u renditën edhe Hulkenberg (Renault), Perez e Ocon me Force India si dhe Massa me Williams. Piloti brazilian zhvillon nesër garën e tij të fundit në Formula 1, pasi do të tërhiqet nga ky sport. Gara e nesërme pritet të jetë një duel mes dy pilotëve të Mercedes, që në provat e sotme treguan se janë shumë të shpejtë.
Çmimi i madh i Abu Dhabit është gara e fundit e Formula 1, për këtë sezon, ndërsa verdiktet e kampionatit janë dhënë tashmë, me Lewis Hamiltonin, kampion bote për pilotë dhe skuderinë Mercedes, kampione për konstruktorë. Nesër, ora 14:00, do të zhvillohet gara në pistën e ndërtuar në shkretëtirë, sfida e fundit e këtij sezoni, që nis me dritën e diellit dhe mbyllet nën ndriçimin artificial.
