Fëmijët e pasur të Zimbabve nuk kanë aspak turp që të tregojnë jetën e tyre luksoze me avionë privatë të mbuluar në ar, teksa bashkëkombësit e tyre jetojnë në varfëri. Madje as djali i presidentit Robert Mugabe, i cili sot dha dorëheqjen, nuk ngurron që të “reklamojë” pasurinë e tij. Gjithashtu fëmijët e pasur të biznesmenëve në Zimbabve u bëjnë thirrje kritikëve që mos t’i urrejnë.
Kur Robert Mugabe iu kërkua që të jepte dorëheqjen si president i Zimbabve, dy djemtë e tij Robert Jr, 24 vjeç dhe Chatunga, 20 vjeç, po shijonin jetën e tyre luksoze, shkruan “Mirror”.
Në shtator të këtij viti, Robert Jr bleu dy “Rolls Royce”. Teksa po studion arkitekturën amerikane në Dubai, ai bleu një makinë të zezë “Batmobile”, të cilën ia tregoi 23 mijë ndjekësve të tij në “Instagram”. Gjithashtu u tregoi edhe për udhëtimin e tij në një avion privat të mbuluar nga brenda në ar.
Ndërsa vëllai i tij Chatunga merr vëmendjen e mediave vendase për shpenzimet më të mëdha në kontinent. Dy javë më parë, u publikua një video e tij duke hedhur shampanjë “Ace of Spades” në orën prej diamanti “Rolex”.
E teksa kritikët flasin në lidhje me këto shpenzime marramendëse, Junior thotë: “Ata vazhdojnë e flasin, ne vazhdojmë e harxhojmë”.
Ky vend ka madje edhe versionin e saj të Kardashianëve, Vanessa Chironga dhe motra e saj Michelle, të cilat shëtisin me një makinë të tipit “Land Rovers” dhe shpenzojnë mijëra para në dasma dhe muaj mjalti në Seychelles.
Motrat 28-vjeçare janë vajzat e manjatit të pronës dhe politikanit Philip Chiyangwa, i cili zotëron një shumë prej 280 milionë dollarë.
Vanessa ka 15.500 ndjekës në llogarinë e saj në “Instagram” @Mrsc_Blesses, ndërsa Mchelle ka 17.900 fansa në @wegettinmcmoney.
Por Sidney Himbara Jr, me siguri kryeson listën për pasurinë e tij në internet.
Babai i tij Sidney Sr është një nga biznesmenët më të pasur në vend. Përmes llogarisë së tij @its_sirsid, ai tregon pushimet e ndryshme nëpër botë në avionë privatë, jahte dhe makina të shtrenjta.
Në Zimbabve, disa predikues shkojnë nën maskën e “profetëve” duke vizituar kontinentin dhe duke bërë koncerte fetare në një nivel me ato të Madonnës.
Uebert Angel është një nga drejtuesit më të mëdhenj dhe kryesorë të grupit miliarder dhe vetëdeklaruar “Godfather i lëvizjes profetike”.
Së fundmi ai bëri një fotografi pranë “Lamborghini”-t të verdhë, duke u thënë ithtarëve të tij se: “Paraja është një entitet intelektual, nuk gëzon shoqërinë e budallenjve”.
Ndërkohë biznesmeni 33-vjeçar Genius Kadungure është i njohur për pasurinë e tij marramendëse. Kur ai shkon nga qyteti në qytet, njofton fansat e tij se ku ndodhet dhe reklamon festat që ai organizon. Ai gjithashtu poston fotografi të çelësave të makinave të tij luksoze nga “Porsches” te “Bentleys”.
Frank Buyanga është pronar i disa pronave, i cili shfaqet në darka të ndryshme me krerë shtetesh anembanë botës. Ai ka shumë makina, përfshirë një “Rolls Royce” me vlerë 320 mijë dollarë. Ai zotëron prona në të gjithë kontinentin dhe tani banon shumicën e kohës në Afrikën e Jugut.
Kur u pyet nga një gazetar i një televizioni lokal se sa makina ka, ai tha: “Si duhet ta di?”.
TIRANA TODAY
