Kanë filluar të publikohen përshtypjet e para nga përdoruesit e parë që kanë blerë iPhone X, dhe mes tyre janë krijuar shumë polemika.
Disa përdorues të Apple kanë zbuluar një gabim që automatikisht korrigjon shkronjën e vogël “i” në “A” dhe një simbol të pikëpyetjes.
Kjo situatë duket se ka ndikuar te përdoruesit e iPhone. Shitja filloi të martën e kaluar dhe programi përmban qindra emoji të reja shumë të bukura.
Ja disa prej komenteve të para:
“PYETJA është, a do vazhdojë të ndryshojë telefoni im shkronjën ‘i’? NDIHMË,” tweeted një përdorues.
“M’u desh të hiqja korrigjimin automatik që është super i bezdisshëm,” shkroi një përdorues tjetër i iPhone në forumin e diskutimit të Apple.
Megjithëse Apple nuk ka përditësuar zyrtarisht softuerin për ta korrigjuar këtë çështje, ai sugjeroi në faqen e internetit një mënyrë për përdoruesit që ta rregullojnë vetë. Përdoruesit mund të shtojnë një zëvendësim teksti.
“Për Fraza, shkruani një ‘I’,” shpjegon Apple. “Për Shortcut, shtypni një ‘i’.”
Apple tha se gabimi do të fiksohet në një përditësim të ardhshëm të softuerit.
Shitjet e iPhone-it kanë goditur dyqanet në mbarë botën të premten. Pajisja, e cila kushton 999 dollarë, tregon teknologjinë e njohjes së fytyrës, një ekran të përparuar dhe një aparat të fuqishëm.
Por disa përdorues thuhet se kishin probleme në aktivizimin e pajisjeve të tyre të reja për shkak të problemeve me serverët e aktivizimit.
Apple nuk i është përgjigjur kësaj kërkese për momentin. (TIRANA TODAY)
