Skënderbeu mposht nga Partizani i Beogradit me rezultatin 2-0. Bardhekuqtë nuk arritën të bëjnë surprizën në këtë përballje kaq të rëndësishme që vendoste shumë për vazhdimësinë në Europë. Tekniku Daja pas ndeshjes është shprehur se kanë bërë një ndeshje mjaft të mirë por që është vendosur nga episodet.
“Ishte një ndeshje e mirë nga ne dhe provuam që të marrim më të mirën në këtë ndeshje. Ajo që të vjen keq është se ne u ndëshkuam në momentet më të mirë që kishim në fushë, por ky është futbolli. Në pjesën e parë ne po dominonim dhe ata na ndëshkuan nga një goditje dënimi. Provuam të ringrihemi në pjesën e dytë, por kemi mungesa nga krahët për arsye të lojtarëve të dëmtuar. Goli i dytë erdhi nga një episod që ju e patë edhe vetë, por di të them që jemi mirë dhe do të përpiqemi të vazhdojmë të bëjmë mirë”, u shpreh Daja.
Ai preku edhe pjesën e sigurisë dhe komoditetit që kishin pasur serbët në Elbasan, nëse u ishte kthyer edhe atyre në Beograd. “ Mendoj se nuk është e nevojshme që të ketë një numër të madh policësh në çdo cep që hedh sytë, pasi nuk është normale për një ndeshje futbolli. Mund të themi se u pritëm mirë por kishte disa detaje që linin për të dëshiruar”, përfundoi Daja.
