Planeti gjigand i Jupiterit ka dy aurora, të cilat janë parë të sillen çuditshëm dhe që shkencëtarët nuk po munden t’i shpjegojnë.
William Dunn, i cili punon në “University College London” dhe në “Harvard-Smithsonian Center for Astrophysics”, zbuloi se aurora në polin verior të Jupiterit pulsonte çdo 11 minuta.
Ndërkohë që aurora në polin jugor është më kaotike, dhe më ndriçuese se ajo e veriut.
Ky është pikërisht ndryshimi me aurorat e Tokës, të cilat sillen në mënyrë shumë të ngjashme me njëra-tjetrën.
Dunn dhe kolegët e tij zbuluan “pika të nxehta” në polet e Jupiterit, të cilat janë më të mëdha se të Tokës dhe lëshojnë rreze X të një energjie më të lartë.
Ai tha: “Nuk prisnim të shihnim rrezatimet e pikave të nxehta të rrezeve X të Jupiterit duke pulsuar në mënyrë të pavarur, mendonim se aktiviteti i tyre do të koordinohej përmes fushës magnetike të planetit. Ne duhet ta studiojmë në vazhdim.”
Shkencëtarët supozuan se aurora mund të prodhohej nga grimca të ngarkuara me energji që lëshohej nga vullkanet e hënës së Jupiterit.
Megjithatë, kjo është vetëm një teori në këtë fazë, e vërteta mbetet ende mister. (TIRANA TODAY)
