Marramendja është ndjesia e humbjes së ekuilibrit ose çrregullimit të orientimit në hapësirë. Megjithatë, nëse marramendja ju ndodh shpesh, atëherë bëni mirë të vizitoheni te mjeku, pasi kjo shenjë mund t’ju paralajmërojë për shqetësime të tjera.
Por, çfarë e shkakton marramendjen?
Janë disa faktorë që ndikojnë te ky shqetësim, si:
Infeksionet të veshit dhe gjendje të tilla si inflamacioni i veshit të brendshëm dhe sëmundja e menierit
Migrena
Stresi
Ankthi
Nivelet e ulëta të sheqerit në gjak
Rënia e tensionit të gjakut kur qëndron në këmbë
Dehidratimi
Lodhja
Mungesa e gjakut në tru, e quajtura insuficienca vertebrobazilare
Çrregullime neurologjike, si goditja në tru ose skleroza e shumëfishtë
Anemia
Abuzimi me alkoolin
Abuzimi me drogën
Efektet anësore të disa ilaçeve
Çrregullime të rrahjeve të zemrës
Helmimi nga monoksidi i karbonit
Probleme me shikimin
Të përzierat gjatë udhëtimit
Si mund të trajtohet marramendja?
Fillimisht është e rëndësishme që të kuptoni shkaktarin e marramendjes. Pasi të keni gjetur shkaktarin, duhet ta trajtoni atë, sigurisht duke u konsultuar me mjekun.
Nëse dyshohet për ndonjë infeksion bakterial në vesh, zakonisht rekomandohen antibiotikët, sigurisht me recetë nga mjeku.
Parandalimi i marramendjes
Gjendja e të fikëtit nuk mund të shmanget gjithmonë, megjithatë duke u kujdesur për shëndetin e përgjithshëm me një dietë të shëndetshme dhe duke kryer ushtrime fizike, mund të ulni rrezikun e marramendjes.
Shmangia e stresit është gjithashtu shumë e rëndësishme. Merrni në konsideratë teknikat e relaksimit dhe mos u ndieni në presion.
