Amazon dhe Google janë përplasur me njëra-tjetrën për shkak të platformës së shpërndarjes së videove, Youtube.
Amazon ka akuzuar Google nëpërmjet një deklarate se ka ndërprerë pa asnjë shpjegim shërbimin e Youtube për Echo Show, një asistent digjital që kontrollohet dhe funksionon përmes komandave zanore.
Sipas deklaratës, në Youtube mungonte pajtimi me një kanal (subscribe) apo video-rekomandimet që shfaqen para, gjatë dhe pas përfundimit të videos që klienti është duke parë.
Menjëherë ka ardhur edhe reagimi i Google, i cili ka dalë me një deklaratë ku pretendon se Amazon “po shkelte termat e përdorimit dhe të privatësisë”, ndërsa siguron se do gjejnë një zgjidhje për të përmbushur pritshmëritë e përdoruesve në të dy platformat.
