Sistemi VAR (video mbështetje për gjyqtarët) pasi u inkuadrua në kampionatin italian Serie A, pati shumë polemika por ka funksionuar më së miri. Tashmë kjo teknologji po kërkohet të futet edhe në kampionatet respektive të disa shteteve të tjera. Brazili është vendi që po kërkon futjen e sistemit Var që në javën e ardhshme, pas një episodi që ndodhi pak ditë më parë në ndeshjen Corinthias-Vasco De Gama. Ishte sulmuesi i Corinthias, Jo, ish lojtarë edhe i kombëtares braziliane që ka shënuar një gol me dorën, gol që vendosi fatin e ndeshjes.
Drejtuesit e Vasco da Gama-s kanë protestuar, duke i cilësur si gabime amatoreske që ndikojnë në fatin e ndeshjes. Presidenti i klubit është shprehur se : ‘Duke pasur parasysh episodet e fundit që mund të shmangeshin duke përdorur teknologjinë, i kërkojmë federatës që të përshpejtojë sa më shumë të jetë e mundur futjen e Var. Ne shpresojmë që të ky sistem të aktivizohet nga fundjava e ardhshme.’
Federata braziliane duket se po e sheh me interes të madh aktivizimin e sistemit Var dhe mund të ketë një përshpejtim të proçesit për vënien e këtij sistemi në jetë. Var në Brazil ishte planifikuar që të testohet vitin e ardhshëm./Tirana Today
https://www.youtube.com/watch?v=vmMOwuA1ywU&t=103s&ab_channel=%2BLancesTV%21
