Në 3 muajt e fundit, Shqipëria është përfshirë nga qindra vatra zjarri, për shkak të temperaturave të larta, por edhe nga pakujdesitë e qytetarëve.
Reshjet e dendura të shiut të ditës së djeshme kanë bërë mrekulli, duke shpëtuar kështu hapësirat e gjelbra të prekura nga vatrat e zjarrit.
Kështu, pas shumë ditësh, vatrat e zjarrit janë shuar plotësisht.
“Gjatë 24 orëve të fundit për shkak të reshjeve të shiut, të cilat përfshinë gati gjithë territorin e vendit, vatrat e zjarrit aktive që kanë qenë ditët e mëparshme janë shuar plotësisht, nuk ka patur vatra zjarresh masive”, njoftojnë Emergjencat Civile.
