Pas protestave të banorëve dhe miratimit të planit rregullues për Himarën, ka reaguar zyrtarisht Greqia. Ministrisë së Punëve të Jashtme greke akuzon se Shqipëria po shkel të drejtat e minoritetit, ndërsa shton se sipas saj për Tiranën nuk ka rëndësi integrimi evropian.
“Shqipëria po shkel të drejtat e minoritetit. Për Tiranën duket se më e rëndësishme është shkelja e të drejtave se integrimi evropian”, tha zëdhënësi i ministrisë së Jashtme greke, Alexandros Gennimatas.
Plani rregullues i Himarës prek pronat e rreth 60 familjeve dhe u miratua dje nga anëtarët e Këshillit Bashkiak të Himarës me 15 vota pro dhe 1 abstenim. Anëtarët e PBDNJ-së fillimisht morën pjesë në mbledhje dhe më pas e braktisën atë.
