Një zjarr i madh ka rënë në Greqi, përkatësisht në juglindje të Athinës në orët e vona të së martës.
Flakët u përhapën me shpejtësi, duke rrezikuar edhe banesat.
Më shumë se 70 zjarrfikës dhe 30 automjete të asistuara nga helikopterë luftuan kundër zjarrit në periferinë e Kalyvia, rreth 35 kilometra në juglindje të Athinës.
Era e fortë ua vështirësoi punën zjarrfikësve, duke u detyruar të luftojnë kundër zjarrit edhe gjatë natës.
Qarkullimi në rrugët rreth zonës është ndaluar për të shmangur çdo incident të mundshëm.
