1456 – Beteja e Molinellas, Itali: Historianët nuk pajtohen se kush fitoi betejën, por është e sigurt se Firences iu desh të braktisë planet për të pushtuar Milanon. Beteja shihet historikisht e rëndësishme sepse për herë të parë artileri dhe armë të zjarrit u përdorën intensivisht në një luftë.
1593 – Henry IV i Francës konvertohet publikisht nga protestantizmi në katolicizëm. Henri ishte monarku i parë francez i Shtëpisë së Bourbonëve. Konsideruar si uzurpator nga katolikët dhe tradhtar nga protestantët, Henry urrehej nga popullata dhe i shpëtoi të paktën 12 tentativave për vrasje.
1609 – Anija angleze Sea Venture gjatë rrugës për në Virxhinia të Amerikës, ndeshet me stuhi të fuqishme, dhe detyrohet të ndalet në një ishull për të shpëtuar nga mbytja – udhëtarët mbetën në ishull, duke formuar një koloni të re, Bermudën.
1788 – Wolfgang Amadeus Mozart përfundon Simfoninë e tij numër 40 në G minor – por nuk arriti ta dëgjojë të interpretuar. Sipas disa biografëve Mozart i shkroi simfonitë 39, 40 dhe 41 për t’u interpretuar pas vdekjes, ose si “apel për përjetësi”.
1861 – Lufta Civile Amerikane: Kongresi i Shteteve të Bashkuara miraton Rezolutën Crittenden-Johnson, duke deklaruar se lufta po zhvillohej për të ruajtur Bashkimin dhe jo për t’i dhënë fund skllavërisë.
1943- Këshilli i Lartë votoi që Benito Mussolini, diktatori fashist i Italisë, të largohej nga pushteti. Ai u arrestua sapo u largua nga takimi me Mbretin Viktor Emanueli, i cili i pohoi Duçes se lufta tashmë ishte e humbur. Mussolini reagoi me një urtësi jo të zakonshme.
1946 – Operacioni Udhëkryq: Bomba e parë provë atomike amerikane shpërthen nën ujë pranë ishullit Bikini, në Paqësor.
1956 – Fëmija i parë në epruvetë (test-tube) në botë, Louise Joy Brown, lindi në Lancashire, Angli.
1961 – Në një fjalim presidenti amerikan John F. Kennedy thekson se çdo sulm ndaj Berlinit është sulm ndaj NATO-s.
2010 – WikiLeaks publikon dokumente sekrete mbi luftën në Afganistan – një nga nxjerrjet më të mëdha të informatave në historinë ushtarake të SHBA-së.
