Kreu i Partisë Demokratike, Lulzim Basha ka deklaruar se Rama ka shkelur ligjet e Shtetit, pasi sot nga Berati ju ka bërë thirrje policëve të marrin pjesë në fushatë elektorale pas përfundimit të punës.
Basha është shprehur se në vitin 1991 Policia e Shtetit është e depolitizuar që në aktin e parë. Sipas tij, Policia e Shtetit dhe Forcat e Armatosura nuk marrin pjesë në fushata, përndryshe shkojnë për ndjekje penale
“Sot, Rama nga Berati ju ka bërë thirrje policëve të bëjnë fushatë për republikën e vjetër pas përfundimit të punës.
Në vitin 1991 Policia e Shtetit është e depolitizuar që në aktin e parë. Policia nuk merret me politikë.
Në qoftë se ju kujtohet në 90-tën pas pluralizmit është vendosur që , as Policia e Shtetit dhe as Forcat e Armatosura, të mos marrin pjesë në fushata. Përndryshe shkojnë për ndjekje penale,”- tha Basha.
