Lojtari i kombëtares së Bregut të Fildishtë dhe ish mesfushori i Newcastle, Cheick Tiote vdiq dje gjatë trajnimit për klubin e tij kinez.
Këta janë pesë futbollistët që gjetën vdekjen gjatë lojës në fushë
– Marc-Vivien Foe, qershor 2003 –
Mesfushori i Kamerunit Foe u rrëzua pas një sulmi në zemër gjatë gjysmë-finales së Kupës së Konfederatave kundër Kolumbisë në Lyon, Francë. Ish-lojtari i Manchester City, West Ham u transferua nga terreni pasi stafi mjekësor u përpoq ta risillte në jetë atë me anë të frymëmarrjes artificiale. Pas përpjekjes 45-minutëshe pa sukses, ai u shpall i vdekur, vetëm 28 vjeç. Vdekja e tij nxiti përmirësime në testimin e futbollistëve për problemet e zemrës dhe trajtimin që mund të marrin gjatë ndeshjeve, duke përfshirë trajnimin e ekipeve mjekësore të klubit në CPR, dhe përdorur defibrilatorët.
– Antonio Puerta, gusht 2007 –
Puerta, u rrëzua duke luajtur për Seviljen në një ndeshje La Liga kundër Getafe dhe vdiq tre ditë më vonë nga mosfunksionimi i organeve që çoi arrest të zgjatur të zemrës. Tre muaj më parë ai kishte ndihmuar Seviljen të fitonte Kupën UEFA. Sergio Ramos i dedikoi një tatuazh Puertës dhe mbajti një T-shirt dedikuar tij, në ndeshjen kur Spanja fitoi Kupën e Botës 2010.
– Phil O’Donnell, dhjetor 2007 –
Kapiteni i Motherwell humbi jetën gjatë ndeshjes së skuadrës skoceze, Dundee United në dhjetor 2007. Mesfushori 35-vjeçar u shemb papritur në fushë dhe zemra e tij humbi betejën, para se të hipej në ambulancë. Vdekja e tij shkaktoi hidhërim të madh në futbollin skocez, duke bërë që një numër i ndeshjeve të shtyhen. “Ai ishte një human në çdo kuptim, në qëndrimin e tij, profesionalizmin, integritetin dhe sinqeritetin e tij”, tha menaxheri i tij, Mark McGhee.
– Daniel Jarque, gusht 2009 –
26 vjeçari ishte emëruar kapiten i Espanyut një muaj para se të vdiste nga një atak në zemër në dhomën e tij të hotelit gjatë një udhëtimi para sezonit në Coverciano në Itali. Gjatë finales së Kupës së Botës 2010, shoku i ngushtë i Jarque, Andres Iniesta, i cili luajti me të për ekipin spanjoll U21,i kushtoi golin e tij shtesë jashtë vendit me Holandën duke zbuluar një T-shirt me fjalët “Dani Jarque siempre Con nosotros “(Dani Jarque gjithmonë me ne).
– Cheick Tiote, qershor 2017 –
Cheick Tiote, 30-vjeçari i kombëtares së Bregut të Fildishtë papritur u ligështua gjatë një sesioni trajnimi të rregullt këtë të hënë dhe u dërgua në spital ku ai vdiq, tha klubi i tij kinez i Pekinit. Hebei China Fortune, e përshkroi Tiote në Twitter si një “luftëtar” dhe “kampion. “Pusho shpirtin tënd në paqe”, tha ai. Alan Pardew, i cili menaxhoi Tiote në Newcastle United, tha: “Performancat e tij në fushë shpesh sfidonin besimin. E desha. Ai është gjithçka që ju dëshironi te një lojtar i Newcastle “.
