Partia Demokratike pritet të shpallë së shpejti listën zyrtare të kandidatëve për deputetë, ku do të përfshihen 140 emra, të cilët janë ata që do të përballen me PS dhe LSI në zgjedhjet e 25 qershorit.
Burime konfidenciale nga selia blu për Tirana Today kanë bërë me dije se në qytetin bregdetar të Vlorës janë zbardhur emrat e parë të kandidatëve për deputet.
Sipas këtij burim mësojmë se ish-ministri i Drejtësisë, Enkeled Alibeja do të jetë emri i parë në këtë Qark .
Gjithashtu, kreu i PBDNJ-së, Vangjel Dule i cili është rreshtuar në partitë aleate të PD-së do të jetë kandidati i 2 ne këtë Qark.
Po ashtu, thuhet se ende nuk është përcaktuar kandidatja femër nëse do të jetë Valona Mezini apo Liljana Elmazi emri i tretë në këtë listë.
Sakaq, thuhet se Ardian Kollozi është kandidatura e katërt e demokratëve në Vlorë mirëpo për këtë vend pretendojnë edhe dy nga themeluesit e PD-së në këtë qytet, Kreshni Alimerko dhe Moisi Meminaj po ashtu edhe Genc Deromemaj .
Ende nuk dihet se kur do të shpallet lista e kandidatëve të PD-së në 12 Qarqet e vendit por ajo që vihet re në selinë e PD në Tiranë janë takimet e shpeshta te deputetëve me Kryetarin Basha.
