Lideri i BDI-së, Ali Ahmeti ka deklaruar se nga bisedat me kryetarin e LSDM-së, Zoran Zaevin, do ketë stabilitet dhe qeverisje të suksesesh .
“Nuk do jetë lehtë qeverisja, opozitës asnjëherë nuk mund t’ia përcaktosh kornizat sesi duhet të veprojë, por pres edhe situata si përplasje poltike rreth koncepteve, por nuk do të ketë përplasje si ato më 27 prill, por të ketë debat konstruktiv”, ka Ahmeti.
Kryetari i BDI-së u shpreh se duhet të ketë një rol më shumë aktiv të Brukselit në rajonin e Ballkanit perëndimor.
Më tej, ai tha se një qasje aktive e BE-së në këtë rajon do të zbutë aktivitetin e qeverive lindore.
Sakaq, Ahmeti pohoi se filozofia e BDI-së është që Shkupi të anëtarësohet sa me parë në NATO.
“Edhe Tirana dhe Prishtina seriozisht janë të angazhuar që të jenë pjesë e BE-së. Edhe Tirana, Shkupi e Prishtina synojnë anëtarësimin në BE e NATO (Shqipëria veçmas është pjesë e NATO-s). Filozofia jonë është që sa më parë të anëtarësohemi në NATO e BE si e vetmja alternativë që krijon stabilitet”, ka thënë ai.
