Portieri i Kombëtares Shqiptare, Thomas Strakosha, i bir i Foto Strakoshës, ka shkëlqyer në ndeshjen e djeshme kundër Juventusit.
Strakosha është vlerësuar për performancën e lartë në finalen e Kupës së Italisë dhe cilësohet si portier me të ardhme të madhe.
Disa nga mediet italiane e kanë cilësuar si “macja e zezë” e Higuain.
Gjithashtu gardiani i portës së Lacios mori ditën e djeshme një vlerësim mjaft të rëndësishëm nga sulmuesi i Juventusit, Gonzalo Higuain, i cili i shtrëngoi dorën portierit pas një pritje në minutat e fundit.
Portieri i Kombëtares menjëherë pas ndeshjes së djeshme ka berë një postim në “Instagram” duke shprehur keqardhje për humbjen dhe duke falenderuar tifozët për mbështetjen.
“Të humbësh nje finale është një ndjesi shumë e keqe për një futbollist. Më vjen keq edhe më shumë se kemi humbur përpara këtij publiku që na ka lënë me të vërtetë pa fjalë. Komplimentet janë per ju.”- ishte postimi i Strakoshës.
