Kontrolli i Lartë i Shtetit gjatë një auditimi të kryer në klubin e futbollit “Vllaznia” ka gjetur shkelje financiare.
Nga raporti përfundimtar i bërë publik mësohet se përzgjedhja e lojtarëve dhe numri i përcaktuar nga klubin më i vjetër shqiptar nuk është bërë sipas Rregullores së Federatës së Futbollit.
Në këtë raport thuhet se gjatë sezonin 2014-2015 janë paguar gjithsej 35 lojtarë të grumbulluar në shumën prej 31,760,000 lekë dhe për sezonin 2015 -2016 janë paguar 32 lojtarë në shumën prej 27,790,000 lekë, nga 25 lojtarë të federuar nga FSHF-ja.
KONTROLLI I LARTË I SHTETIT
Departamenti i Auditimit të Buxhetit të Pushtetit Vendor
Adresa:Bulevardi “Dëshmorët e Kombit”, Tiranë, Tel-Fax: 04 232-491
Nr. 1237/6 Prot. Tiranë, më 20.03.2017
V E N D I M
Nr. 21, Datë 20.03.2017
PËR AUDITIMIN E USHTRUAR NË KLUBIN E FUTBOLLIT “VLLAZNIA” SHA SHKODËR “MBI AUDITIMIN E PËRPUTHSHMËRISË DHE RREGULLSHMËRISË FINANCIARE NË MENAXHIMIN E VEPRIMTARISË”.
Pasi u njoha me Raportin Përfundimtar të Auditimit dhe projektvendimin e paraqitur nga Grupi i Auditimit të Departamentit të Auditimit të Buxhetit të Pushtetit Vendor, shpjegimet e dhëna nga subjekti i audituar, mendimin për cilësinë e auditimit nga Drejtori i Departamentit Juridik, Zbatimit të Standardeve dhe Etikës, vlerësimin mbi objektivitetin dhe cilësinë e auditimit nga Drejtori i Departamentit të auditimit të mësipërm, si dhe Drejtori i Përgjithshëm, në mbështetje të nenit 10,15 dhe 30, të Ligjit nr. 154/2014, datë 27.11.2014 “Për Organizimin dhe Funksionimin e Kontrollit të Lartë të Shtetit”.
