Është ndëshkuar 11 herë dhe është larguar me të kuq dy herë, por Granit Xhaka nuk është i aspak i mërzitur për këtë rekord negative, duke theksuar se është përmirësuar dukshëm që nga kartoni i fundit.
Mesfushori shqiptar i Arsenalit, ka deklaruar se nuk do të ndryshojë stilin e lojës vetëm pse kritikohet që ndëshkohet me të kuq.
“Në futboll gjithmonë kritikoheni nëse përjashtoheni me të kuq. Është stili im i lojës dhe askush nuk mund të më bëjë që ta ndryshoj këtë, edhe nëse marr një tjetër karton të kuq. Thjesht kur ndëshkoheni, ju bëheni më të mençur dhe mendoj se që nga kartoni i kuq i fundit gjërat janë përmirësuar dukshëm”, u shpreh Xhaka.
Xhaka shkëlqeu në ndeshjen e fundit ndaj Manchester Unitedit, duke shënuar një gol të bukur nga distanca, sfidë të cilën e fituan “Topçinjtë” 2-0.
