Filmi aksion “Fast and Furious 8” është padyshim “mbreti” i të ardhurave në kinematë e SHBA-së. Për të tretën fundjavë me radhë, ky film ka fituar 19.4 milionë dollarë, duke sjellë në kasën e Universal Pictures një shifër prej 192 milionë në SHBA.
Në vendin e dytë renditet komedia “How to be a latin lover”, e cila ka mbledhur 12 milionë, për të vazhduar me filmin aksion indian “Baahubali 2: the conclusion”, që ka mbledhur 10.1 milionë.
Në vendin e katërt renditet “The Circle”, me Tom Hanks dhe Emma Watson, që zhgënjen pritshmëritë me të ardhura prej 9.3 milioni, ndërsa i pesti renditet “Baby Boss”, me 9.05 milionë.
