Në pikën kufitare të Muriqanit prej disa orësh ka radhë të gjata me automjete që po kalojnë nga Shqipëria për në shtetin fqinj të Malit të Zi.
Radha në dalje të Muriqanit për në anën malazeze ka qenë rreth 1 kilometër.
Ndërsa është punuar më 2 sportele në hyrje dhe 2 në dalje, gjë e cila nuk ka mundur të stabilizojë fluksin.
Sipas dëshmive të qytetarëve, të cilët po qëndrojnë në radhë, bëhet e ditur se prej disa orësh janë krijuar këto radhë të gjata, ku makinat e fundit as nuk e shohin dot kufirin.
Fëmijë e të moshuar janë të detyruar të qëndrojnë në mes të rrugës. Kujtojmë se kjo pikë kufitare është gjithnjë problematike në raste festash apo gjatë sezonit turistik.
