Policia e Beratit ka sekuestruar një sasi prej 1.5 tonë drogë, gjatë një operacioni masiv antidroge, në fshatin Përparim. Gjatë kontrollit në 3 banesa janë gjetur lëndë narkotike, sikurse edhe në rrugën nacionale Poliçan – Bogovë, ku është gjetur e braktisur një sasi lëndësh narkotike e futur në thasë.
Sasia e lëndës narkotike e sekuestruar deri në këto momente është përafërsisht 1.5 tonë, ndërsa policia po vijon operacionin.
Njoftimi i policisë:
Skrapar – Berat
Drejtoria Vendore e Policisë Berat, në operacion masiv antidrogë.
Operacioni tërësisht policor në fshatin Përparim, të Njësisë Administrative Bogovë, si dhe në rrugën nacionale Poliçan-Bogovë. Sekuestrohet në 3 banesa një sasi e konsiderueshme lënde narkotike. Gjithashtu në rrugën nacionale Poliçan – Bogovë, si rezultat i zhvillimit të operacionit, është gjetur e braktisur një tjetër sasi e konsiderueshme lënde narkotike e futur në thasë. Sasia e lëndës narkotike e sekuestruar deri në këto momente përafërsisht 1.5 Ton. Policia ka shoqëruar 6 persona, si dhe deri në këto momente janë shpallur në kërkim tre persona. Operacioni vijon…
