Një artikull, i publikuar nga gazeta gjermane “Focus”, ka renditur shtetet më të fuqishme ushtarake në botë.
Lista kryesohet nga SHBA-ja, duke pasuar me Rusinë dhe në vend të tretë, Kina.
Në artikull shkruhet se Rusia ka dy herë më shumë tanke se SHBA-ja, ndërsa kjo e fundit ka më shumë aeroplanë ushtarakë.
Të tjera vende të fuqishme ushtarake cilësohen në këtë listë: India, Franca, Britania, Japonia, Turqia, Gjermania dhe Italia.
Modernizimi i gjerë ushtarak dhe rritja e kapaciteteve të prodhimit të pajisjeve ushtarake, paraqesin një fakt me rëndësi për forcat ushtarake të shteteve të ndryshme nëpër botë.
Publikimi i kësaj liste vjen pas tensioneve të shumta ndërmjet SHBA-së me Rusinë dhe Korenë e Veriut.
