Një automjet i vjedhur është lënë i ndezur pranë një qendër votimi në qytetin Besancon në lindje të Francës, ndërsa po zhvillohej votimi, njofton Ministria e Brendshme e Francës.
“Makina e dyshimtë është e vjedhur dhe me targa fallco”, ka thënë për Reuters një zyrtar i Ministrisë së Brendshme së Francës.
Ai ka shtuar se qendra është evakuuar dhe ekipet për çaktivizimin e bombave janë thirrur në vendin e ngjarjes.
Sot, Franca voton në rundin e parë të zgjedhjeve presidenciale midis masave të shtuara të sigurisë me 50 mijë policë dhe 7000 mijë forca të ushtrisë.
