Më shumë se 30 000 vetë duhet të evakuohen në bazë të marrëveshjes së arritur mes dy palëve. Më shumë se 64 000 civilë kishin mbetur të bllokuar në një rreth vicioz dhune të përditshme. Muajin e kaluar, OKB-ja e përshkroi si “katastrofike” situatën e 4 qytezave, ku raportohet se shumë persona kanë humbur jetën, vetëm nga mungesa e ushqimit apo ilaçeve.
Aktivistët për të drejtat e njeriut në Siri, njoftuan se Qeveria siriane dhe grupet rebele kanë nisur një operacion për të zhvendosur njerëzit nga katër qytete të rrethuara.
Njerëzit e zhvendosur nga Foa dhe Kefraja, të ndodhura nën kontrollin qeveritar, kanë mbërritur tashmë në perëndim të Alepos. Lëvizja e banorëve ka nisur edhe në Madaja dhe Zabadanin e rrethuar nga ushtarët e Asadit.
