Mbrëmjen e djeshme, autobusi i skuadrës së Borussia Dortmund u sulmua para sfidës çerek-finale të Champions League. Në fakt, në automjetin ku ndodheshin lojtarët, ndodhën 3 shpërthime, si pasojë e të cilëve u plagos Mark Bartra.
Ky i fundit u dërgua menjëherë në spital, ku iu nënshtrua një ndërhyrjeje kirurgjikale, pasi kishte thyer një gisht të dorës.
Megjithatë, duhet thënë se lojtarët kanë shpëtuar mirë, pasi kjo ngjarje mund të kishte përfunduar në tragjedi.
Falë xhamave të blinduar, shpërthimi pati pasoja më të vogla, duke shkaktuar vetëm lëndime të lehta.
Pra, kanë qenë xhamat e blinduar ata që u kanë shpëtuar jetën futbollistëve të Dortmund-it dhe stafit teknik të skuadrës gjermane.
