Ndërveprimi i përditshëm për fëmijët autik është i vështirë për t’u dëshifruar. Shoqërimi është shpesh stresues dhe shprehja e ndjenjave dhe emocioneve mund të rezultojë një betejë jo e lehtë. Megjithatë, në ndihmë vijnë 3 zgjidhjet inovative për t’i ndihmuar fëmijët autik të flasin.
- Gurët dixhitalë që u lejojnë fëmijëve të “flasin”
“Smartstones Touch” është një pajisje e ngjashme me një gur që mund të mbahet në duar dhe që kontrollon në distancë një aplikacion të quajtur :prose, e që u lejon fëmijëve të “flasin” fraza të paraprogramuara me zë, përmes trokitjeve të lehta dhe të forta. Struktura me dritë, me zë dhe me dridhje korrespondon me gjestet e bëra në një “Smartstone”, duke u dhënë përdoruesve autikë, reagime të prekshme kur komunikojnë.
- Mjeti që ndihmon fëmijët autikë të komunikojnë përmes muzikës
“Synchrony” është një pajisje e ngjashme me daullen që ndihmon fëmijët autikë të përfshihen me të tjerë në grup përmes notave muzikore. Instrumenti i lëmuar prej silikoni i ndihmon fëmijët të thyejnë barrierat sociale, duke u lejuar atyre të harmonizohen me shoqërinë. “Synchrony” kundërpërgjigjet me prekje, gjithmonë duke luajtur nota të qeta, pa mungesë harmonie, dhe vënë në dukje gjërat e këqija që shpesh bëhen dërrmuese për fëmijët autikë.
- Kubi muzikor i dizenjuar për lojëra sociale
“Skoog” është një kub i aksesueshëm dhe tejet praktik, që rrit ndërveprimet shoqërore për fëmijët autikë, përmes muzikës dhe lojërave. Ai u lejon fëmijëve të nisin të krijojnë melodi menjëherë, pa ndonjë leksion apo njohuri të mëparshme.
