Senatori amerikan, John McCain, pritet që sot të vizitojë Beogradin, ku do të takohet me kryeministrin serb, Aleksandar Vuçiç.
Ky i fundit theksoi se me senatorin amerikan do të diskutojë edhe rreth çështjes së Kosovës.
Vuçiç, në një konferencë të mbajtur mbrëmë, ka theksuar se pjesë e diskutimit pritet të jenë marrëdhëniet me Sirinë, dhe orientimit politik të jashtëm të Serbisë, transmeton Indeksonline.
Ndërkaq, Vuçiç ka thënë se Kosova do të jetë një nga temat, por shtoi se kjo gjë është e vështirë për t’u mbajtur gjatë në bisedë, pas, siç tha ai, deklaratave të bëra nga Daut Haradinaj dhe Hashim Thaçi, lidhur me thirrjen, që shqiptarët në Maqedoni duhet t’i marrin gjërat në duart e tyre.
