Në mbarë botën, shtete të ndryshme po mbajnë qëndrime pro dhe kundër, lidhur me sulmin ajror që SHBA i bëri Sirisë.
Por, çfarë mendojnë vetë sirianët? Edhe këta të fundit kanë pasur reagime të ndryshme, duke e mbështetur ose kritikuar rëndë Trump që sulmoi Sirinë.
Njëri prej tyre, aktivist, që i mbijetoi sulmit të armëve kimike në Moadamiya, e mbështet vendimin e presidentit amerikan.
Jo vetëm kaq, por ai u shpreh se “do ia vinte emrin djalit të tij ‘Donald’, në nder të presidentit Trump”.
“Assad i bëri llogaritë gabim këtë herë. Përgjigja e SHBA-së në këtë moment ka qenë një shuplakë që mund të ndryshojë çdo gjë në Siri. Ky sulm do t’u japë njerëzve shpresë. E gjitha kjo ka të bëjë me shpresën. Kjo është një epokë e re që tregon se Amerika do të bëjë vërtetë diçka. Ashtu si thotë Donald Trump: Kjo është e madhe. Në qoftë se do bëhem ndonjëherë me djalë, do t’ia vë emrin Donald. Ky njeri është një hero. Ai po që është burrë!”, tha Qusai Zakaria për “The Telegraph”.
