Një çudi shqiptare ka ndodhur në Ferizaj, ku një grua nuk ka arritur të kryejë një lindje normale. Vahide Tasholli po përjetonte dhimbjet e lindjes, ndërsa asnjë mjek nuk ishte i pranishëm në sallën e lindjes. Kështu, gruaja nga Kosova e ka lindur foshnjën në dysheme, teksa kishte munduar të lëvizte nga shtrati për të kërkuar ndihmë.
Mësohet se i sapolinduri ka pësuar dëmtime serioze, ndërsa i shoqi i Vahides tregon:
“Fakt është që ra në dysheme, mirëpo pa marrë rezultatet, unë nuk mund të jap asnjë intervistë. Bebja është gjallë ama gjë tjetër nuk di të them. Ka gjakderdhje. Ngjarja është e vërtetë. I kanë dhënë gjak se ka pas nevojë për gjak. Jemi trembur shumë”, ka treguar babai i foshnjës.
Ndërkohë, të pyetur nga media për rastin e rrallë, asnjë nga mjekët nuk ka pranuar të flasë.
