Paraditen e sotme, rreth orës 11:00, kryeministri Rama është takuar me aleatin e tij, kryetarin e Parlamentit, Ilir Meta, por, mesa është vërejtur, ai nuk ka marrë një përgjigje të kënaqshme. Menjëherë, pas përfundimit të këtij takimi, Rama ka organizuar një tjetër takim për gati 60 minuta me aleatin tjetër në qeveri, Shpëtim Idrizin.
Nga lëvizjet e fundit politike në vend, Idrizi gjithashtu është rreshtuar në krah të Metës, sa i përket pjesëmarrjes në zgjedhje pa opozitën.
Gjatë këtij takimi mësohet se Shpëtim Idrizi ka shpalosur platformën e tij për zgjidhjen e krizës politike dhe, në fokus të diskutimeve, sipas mediave vendase, ka qenë pikërisht kthesa e papritur e LSI-së dhe zgjidhja e krizës.
Pas këtij takimi, Idrizi ka shkuar të takojë kreun e Kuvendit, Ilir Metën.
