Kryetari i LSI-së, Ilir Meta, në një deklaratë për mediat, pas mbledhje së Kryesisë së LSI-së, bëri të ditur sot qëndrimin e kësaj force politike për krizën në vend.
Meta tha se LSI mbështet një qeveri të besimit, e cila do të plotësojë standardet e zgjedhjeve të ardhshme.
“Ne vëmë në dispozicion të gjitha mandatet e LSI-së për një zgjidhje politike. Qeveria e Besimit nuk nënkupton qeveri teknike, por një qeveri që jep garanci” – tha ai.
Po ashtu, Meta foli dhe për vendosjen e mandateve të LSI-së në dispozicion të zgjidhjes së krizës.
“Ne vëmë në dispozicion mandatet tona. Në rast se PD-ja mendon se mandatet tona janë të mjaftueshme, që ajo të ketë ndikim në procesin e balancimit të zgjedhjeve, ne këto mandate do t’ia jepnim opozitës. Nuk i bashkojmë me opozitën, por në kushtet e mosbesimit do ta mbështesim”,- tha Meta.
