Një 35-vjeçar shqiptar është ekzekutuar në Greqi. Ngjarja ka ndodhur në Menidhi të Athinës, ku shqiptari është goditur me dy plumba në koke dhe në kraharor.
Sipas dëshmitareve okulare ai ndodhej në makinën e tij, kur u qëllua.
Shqiptari u dërgua menjëhere në spital, ku u konstatua se kishte vdekur.
Agresorët ishin dy persona, të cilët kishin hipur në një motor.
I riu ishte me origjinë nga Vlora. Në vendin e ngjarjes policia gjeti dhjetëra gëzhoja. Lidhur me ekzekutimin e tij, policia greke tha se ka disa pista, ku më e mundshmja është ajo e larjes së hesapeve mes bandave, pasi në skedat e autoriteteve, viktima rezulton si i implikuar në trafikun e drogës.
