Në Drejtorinë e Policisë vendore Lezhë dhe në Komisariatin e Kurbinit janë identifikuar punonjës policie të inkriminuar. Këtë lajm e ka bërë të ditur KryePolici Haki Çako, gjatë një komunikimi për shtyp, paraditen e sotme. Sipas Çakos, këta oficerë policie nuk i kanë raportuar parcelat e kultivuara me drogë, të zbuluara ditët e fundit, në këtë zonë.
Po ashtu, ai tha se ka nisur procedim displinor për punonjësit e komisariatit Lezhë dhe Kurbin, për shkelje administrative.
Sipas tij janë shkarkuar dhe përjashtuar nga policia këto punonjës:
Gjon Deda, ndihmës specialist në Fushë-Kuqe, për shkelje të rëndë: U PËRJASHTUA
Edvin Toptani, nënkomisar: U PËRJASHTUA
Leonard Palushi, komisar Kurbin: U SHKARKUA
Ermal Muca nëndrejtor i policisë Lezhë: U SHKARKUA
Feliks Hysi, shefi i komisariatit Kurbin: U SHKARKUA
Xhafer Kalba, oficer në Kurbin për shkelje të rëndë: U SHKARKUA
Maksim Bejko: U SHKARKUA
Mësohet se në Gotull të Kurbinit u zbulua një parcelë e mbjellë më kanabis, si dhe në Shëngjin të Lezhës u sekuestruan 513 rrënjë kanabis. Punonjësit e policisë akuzohen se kanë kryer shkelje të rëndë administrative dhe ndaj tyre hetimet vijojnë edhe në bashkëpunim me Prokurorinë e Rrethit Gjyqsorë.
